ກັບໄປພື້ນຖານ
ເພື່ອຈະສາມາດເທຣດໃນປະລິມານ ແລະ ເພີ່ມຈຳນວນກຳໄລໃນການເທຣດໃຫ້ຫຼາຍຂຶ້ນ ເທຣດເດີ້ຈະເຮັດການຢືມເງິນຈາກໂບຣກເກີ້ ເງິນຈຳນວນນັ້ນຮ້ອງວ່າເລເວີ້ເຣດ ມັນຈະມີຫຼາຍແບບທີ່ແຕກຕ່າງກັນ: 1:10, 1:50, 1:100, 1:500, 1:1000
ເພື່ອອະທິບາຍໃຫ້ຊັດເຈນຂຶ້ນ ລອງເບີ່ງຕົວຢ່າງດ້ານລຸ່ມນີ້
ສົມມຸດເຮົາມີເງິນ $10,000 ໃນບັນຊີເທຣດ ເຮົາຕ້ອງການເປີດອໍເດີ້ 1 standard lot ຂອງ EURUSD ດັ່ງນັ້ນ ເຮົາຈະຕ້ອງມີເງິນ $100,000 ເພື່ອຈະເທຣດໄດ້ ແຕ່ຖ້າໃຊ້ເລເວີ້ເຣດ 1:100 ໝາຍຄວາມວ່າສາມາດໃຊ້ເງິນຈຳນວນໜ້ອຍລົງ 1/100 ໃນການເປີດອໍເດີ້ ເທົ່າກັບ
$100,000 / 100 = $1,000
ເງິນຈຳນວນ $1,000 ຈາກບັນຊີເທຣດຈະຖືກໃຊ້ເປັນເງິນຫຼັກປະກັນ ທີ່ຈະເຫຼືອອີກ $99,000 ຈະເປັນເງິນທີ່ທາງໂບຣກເກີ້ໃຫ້ຢືມ
ແນ່ນອນວ່າໂບຣກເກີ້ນັ້ນຈະບໍ່ເສຍເງິນທີ່ໃຫ້ຢືມ ມັນເປັນເຫດຜົນວ່າຈຳນວນເງິນທີ່ເຮົາຈະສາມາດຂາດທຶນໄດ້ຈະຖືກຈຳກັດໂດຍຈຳນວນເງິນທີ່ເຫຼືອໃນບັນຊີຂອງທ່ານ ຖ້າກໍລະນີຂາດທຶນຈະເປັນແນວໃດ?
ຖ້າວ່າອໍເດີ້ນັ້ນກຳລັງຂາດທຶນ $9,500 ແລະ ຂາດທຶນເພີ່ມຂຶ້ນເລື່ອຍໆ ໂບຣກເກີ້ຈະເຮັດການເຕືອນໃຫ້ເຮົາຝາກເງິນເຂົ້າຕື່ມເພື່ອບໍ່ໃຫ້ລ້າງພ໋ອດ ມັນຄືການ Margin Call ຖ້າບໍ່ສາມາດຝາກທັງເວລາ ໂບຣກເກີ້ຈະເຮັດການປິດອໍເດີ້ອັດຕະໂນມັດເພື່ອປ້ອງກັນການຂາດທຶນເພີ່ມເຕີມ ມັນຄື Stop Out
Margin Call ແລະ Stop Out ເກີດຂຶ້ນເມື່ອຈຳນວນເງິນບໍ່ພໍທີ່ຈະໃຊ້ເປັນຫຼັກປະກັນໃນການເທຣດ ຈຳນວນເງິນຫຼັກປະກັນໃນການເທຣດ ຈຳນວນເງິນຫຼັກປະກັນທີ່ຕ້ອງໃຊ້ຈະສະແດງເປັນເປີເຊັນແຕ່ລະໂບຣກເກີ້ ແລະ ແຕ່ລະປະເພດບັນຊີກໍ່ຈະໃຊ້ຈຳນວນເງີນຫຼັກປະກັນ 70%/40% ໝາຍຄວາມວ່າ ຖ້າຈຳນວນເງິນເຫຼືອໃນບັນຊີທີ່ເຫຼືອໜ້ອຍກວ່າ 70% ຂອງຈຳນວນເງິນຫຼັກປະກັນ ຈະເກີດ Margin Call ຖ້າເຫຼືອໜ້ອຍກ່ວາ 40% ຈະເກີດ Stop Out ອໍເດີ້ຂອງເຮົາຈະຖືກປິດອັດຕະໂນມັດ
ແມ່ນຫຍັງຈະເກີດຂຶ້ນຫຼັງຈາກອໍເດີ້ຖືກປິດອັດຕະໂນມັດ
ຕົວຢ່າງ
ສົມມຸດວ່າອໍເດີ້ຂອງເຮົາຂາດທຶນ ແລະ ຖືກປິດ Stop Out ດ້ວຍຈຳນວນເງິນທີ່ຂາດທຶນ $9,500 ຕົ້ນທຶນຂອງອໍເດີ້ຈະເປັນແບບນີ້:
$1,000 (ຫຼັກປະກັນ) + $99,000 (ເງິນກູ້ຢືມ) - $9,500 (ຂາດທຶນ) = $90,500
ໂບຣກເກີ້ຈະນຳເງິນ $90,500 ລວມເຖີງ $8,500 ທີ່ຂາດໄປເພື່ອມາທົດແທນຈຳນວນເງິນທີ່ຢືມໄປທັງໝົດ $99,000 ດັ່ງນັ້ນຈຳນວນເງິນທັງໝົດ $9,500 ຈະຖືກຫັກອອກໄປບັນຊີຂອງເຮົາ ແລະ ຈຳນວນເງິນທີ່ເຫຼືອແມ່ນ $500
ຈະເກີດຫຍັງຂຶ້ນຫຼັງຈາກປິດອໍເດີ້
ພາຍໃຕ້ເງື່ອນໄຂດຽວກັນ ອໍເດີ້ທີ່ເປີດຈະກາຍເປັນກຳໄລ (ກຳໄລ $9,500) ດັ່ງນັ້ນ ການຄຳນວນຈື່ງເປັນດັ່ງນີ້:
$1,000 (ຫຼັກປະກັນ) + $99,000 (ເງິນກູ້ຢືມ) + $9,500 (ກຳໄລ) = $109,500
ຫຼັງຈາກປິດອໍເດີ້ ໂບຣກເກີ້ຈະຖອນເງິນອອກ $99,000 ແລະໃນບັນຊີຂອງເຮົາກໍ່ຈະມີເງິນ:
$1,000 (ຫຼັກປະກັນ) + $9,500 (ກຳໄລ) + $9,000 (ເງິນທີ່ເຫຼືອຈາກຫຼັກປະກັນ) = $19,500
ຄວາມສ່ຽງເພີ່ມຂຶ້ນຈາກຂະໜາດຂອງເລເວີ້ເຣດ ?
ແມ່ນແທ້ບໍ່ ທັງໝົດນັ້ນຂຶ້ນກັບພຶດຕິກຳຂອງເຮົາ ເລເວີ້ເຣດເຮັດໃຫ້ເຮົາເປີດອໍເດີ້ຂະໜາດໃຫຍ່ໄດ້ ຖ້າເຮົາເສຍຢ່າງເຕັມທີ່ ເງິນຕົ້ນຂອງເຮົາກໍ່ສາມາດເສຍໄປໝົດໄດ້ເຊັ່ນກັນ
ແຕ່ລອງເບີ່ງໃນສະຖານະການທີ່ແຕກຕ່າງກັນ ສົມມຸດມີ 2 ບັນຊີ ບັນຊີທີ່ເລເວີ້ເຣດ 1:200 ແລະ 1:1000 ທັງສອງເປີດອໍເດີ້ USDJPY ຂະໜາດ 0.1 lot ໃນກໍລະນີນີ້ ມູນຄ່າຂອງ pip ສຳລັບທັງສອງອໍເດີ້ນີ້ແມ່ນ 0.93
ຖ້າອໍເດີ້ສວນທາງກັບເຮົາ 100 ຈຸດ ເຮົາກໍ່ສາມາດຂາດທຶນທັງສອງບັນຊີ $93 ໂດຍບໍ່ຕ້ອງສົນໃຈຂະໜາດຂອງເລເວີ້ເຣດ
ດັ່ງນັ້ນ ຄວາມສ່ຽງສູງເປັນເພາະຄ່າເລເວີ້ເຣດຫຼາຍ ມັນບໍ່ແມ່ນຄວາມຈີງ ມັນຂຶ້ນກັບການຈັດການຄວາມສ່ຽງ
ສະຫຼຸບ
ຖ້າເຮົາຕ້ອງການຄວບຄຸມຄວາມສ່ຽງກໍ່ຈະບໍ່ມີເຫດຜົນທີ່ຈະນຳໃຊ້ເລເວີ້ເຣດ ການຄວບຄຸມອໍເດີ້ເປັນສີ່ງສຳຄັນ ກ່ອນຈະເປີດອໍເດີ້ ຄວນຄຳນວນມູນຄ່າຂອງ pip ໃນບັນຊີເທຣດຈະຕ້ອງໃຊ້ກັບອໍເດີ້ນັ້ນ ເຄື່ອງມືຄຳນວນ ເພື່ອໃຫ້ຄຳນວນໄດ້ງ່າຍຂຶ້ນ
ການຮູ້ມູນຄ່າຂອງ pip ລ່ວງໜ້າ ແລະ ຈຸດໃດທີ່ເຮົາຈະຕ້ອງຕັ້ງ stop loss ຈະຊ່ວຍຄຳນວນຍອດຂາດທຶນທີ່ອາດເກີດຂຶ້ນໄດ້ ຖ້າຍອດເງິນຫຼາຍເກີນໄປ ເຮົາຄວນຫຼຸດຂະໜາດອໍເດີ້ລົງ ນີ້ຄືຄວາມລັບຂອງການຈຳກັດຄວາມສ່ຽງ ເຊີ່ງເລເວີ້ເຣດຈະບໍ່ມີບົດບາດຫຍັງເລີຍ